Wenn aanä begeisdäd is vo denna Wurf- und Hebldechniggn, dann mergd er rechd schnell wos er domid manchng konn und dass die einfoch guud fungzioniän. Du wässd es ned glaam, obä deä Geechnä will gor nimmä oogreifn, er wird sozäsong zu an Friednsabosdl. Und unsä äschdes Gebod is immer, dass mä kaan väledzn.)
Mit der „Ganz-Körbä-Beweechung“ fühlsd Dich wie a Füsigglehrä und konnsd Dich so beweng wies die Naduä füä Dich gschaffn hod. Du konnsd besser sehng, besser höän und besser riechng, Du fällsd ned so leichd um, Du wassd wosd hie köhrsd und bläbsd am Bodn. Du konnsd Dich einfoch bessä in Ordnung haldn. Und wie des Word „Ganz-Körbä-Beweechung“ scho sogd, machsd alles mid Deim ganzn Körbä und ned bloß mit seina aanzlna Deile. Deina Deile, also zäm Beischbiel die Händ und die Füß, wän immä voäm Körber ghaldn und sin immä in Väbindung mit dem Körbäschweäbungd.
Schnaufn, Loslassn und geisdicha Ausrichdung wän bei deä Gümnasdich groß gschriem. Alles vom Menschn wäd dränierd. Die Organe wän gsund ghaldn, körbälicha und seelischa Blockadn wän aufgälösd und Du konnsd Dei Grafd, diesd zäm Leem brauchsd, widder finna.
Die Schiebä, Drehä und Wendä im Aikido bringa an Schwung in Dei Leem. Häz un Greislauf gehn bessä, und a Dei Bluddrugg gehd ned so weid nauf. Durch des richdicha Schnaufn und durch die Grafdübunga fühlsd Dich immä bessä und konnsd a mol wieder lachn. Mit derä Bauchadmung wäsd richdich lebendich. Ja, Du schdrodzd fasd vor Grafd und bisd nimmä so gähemmd. Deä Geisd wäd endschbannd, deä Körbä is ka Hindernis mehr, und Dei Grafd konn fließn wie a Wassäfall.
Bei uns gibds noch an Anschdand undäänander, des gibds bei anära Schbordordn fasd gor nimmer. Wir hom a wos Oriendalisches in unsära Dechniggn und aa a boor gäheima Sachng. Domit is unsä Körbä und unsä Geisd ganz schö beschäfdigd. Desweng müss mä guud zsammärbän. Des sicht mä beim Boor- und Grubbndräning oder beim Rollndräning. Und des Ganza wäd noch bessä mit dera besondärn Schdimmung im Aikido-Dooscho. Des alles hilfd zsammzähaldn und sorchd für an guudn Umgang midänandä.
Die vieln verschiedäna Beweechunga und die underschiedlichng Leud haldn Dich wach und sorng däfüä, dassd immer aufbassd und kann Blödsinn machsd. Wennsd immer reglmäßich übsd, dann konnsd Dei Grafd, Dein Geisd und Dein Körbä immer bessä zsammhaldn und Dein Bladz in unsärä Weld findn. Vielleichd konnsd aa besser in Dei Lehm neischaua.