Unsära Lehrä

Rudi Schneidä

Aikido-Lehrä, fachlichä Leidä vom Dooscho

sibbdä DAN Aikido

Baujohr 1960, machd seid 1976 Aikido, is seid 1989 Midglied und Brüfä im Bundesväband deä Aikido-Lehrä (BDAL e.V.), schdaadlich anäkanndä Fachdrähner füä Aikido im Fachväband füä Aikido in Baiern (FAB).

„Seid 1988 bin ich scho der Kabbo vom Aikido-Dooscho Forchheim. Nebä denna Dechniggn bring ich meina Schülä a noch a bissla wos vo denna Aikido-Brinzibien und -Schdradegien bei und hald sie zu nadürlicha Beweechunga o.

Aikido is hald wie Sabbm und Laafm, wie Sähng und Höän, wie Schnaufm und Leem. Äschd wenn deä Weech innadrin bassd, löffd die Dechnigg – so wie den Mensch seina Sinn – ohna dassd übäleeng mussd.

Domid ärbä und forsch ich an denna innera Aikido-Brinzibien. Des sichd mä aa bei meina Lehrmedodn. Die is nämlich von Offnheid und Dransbarenz gebräächd, wos denna Schülä die Möglichkeid gibd, a eichäna Aikido-Bäsönlichkeid zä wän.

Und dann mach i aa nuch die Ausbildung füä die Aikido-Drähner und -Lehrä.“

► Bilder

Geähadd Endres

Aikido-Lehrä

sexdä DAN Aikido

Baujohr 1957, machd seid 1984 Aikido, schdaadlich anäkanndä Fachdrähner füä Aikido im Fachväband füä Aikido in Bayern (FAB).

„Im Aikido gehds um sowos Ähnlichs wie a ‚Radscherei’.

Die Schülä verbringa viela Johr vo iäm Leem domid, Dechniggn und Beweechungsabläuf zä ühm un zä väbessän. Des gehd bloß wemmä sich mid annära ausdauschd. Do gibds a dauerndes Gehm und Nehm zwischn Nage (des is deä Wärfä) und Uke (des is deä Angreifä), die immer Reschbegd voränandä hom und seä verdraud sin midänandä.

Als Lehrä leg ich desweechng an großn Weerd auf die Väbindung vo dem Ki-Fluss und anä aufrächdn und loggän Körberhaldung. Des is a hamonischa Ärbäd, mit deä mä sich geechäseidich fordärn und aa fördärn konn. Do kummd sowos ähnlichs raus wie a „Beweechungs-Radscherei“. Mä „radschd“ dabei ned bloß mid Körbä, sondern aa midn Geisd. Deshalb is des Aikido aa so weerdvoll für mich.

Deä Didsch Nad Han hod gschriem: ‚Wenn viela underschiedlicha Menschn zsamkumma, dann väliäd kanä.’ Des Midänandä-Radschn’ bringd hald jedn wos.“

► Bilder

Beedä Graus

Aikido-Lehrä

sexdä DAN Aikido

Baujohr 1954, machd seid 1982 Aikido.

„Miä gehds im Drähning zääschd um des Ühm deä richdichng Haldung. Des is auf deä aana Seidn a aufrechda, endschbannda, und zendriäda Körbähaldung als a Grundlooch dofüä, dass mä schborsama Beweechunga machn konn.

Auf deä annän Seidn väschdehd mä undä Haldung obä aa die innära Haldung beim Ühm:

• immä wiedä an sich selbä ärbän, obä ned zä väbissn und ned zä eägeizich
• geduldich bleim bei eichäna Schwächng und Fehlä
• den Bardnä mit Reschbeggd begrüßn, damid mä sich midänandä weidäendwiggeln konn.

Mid so anä Haldung is des Aikido mehr als Dechnig und Beweechung. Es is a Weech durchs Leem, wusd a longa Zeid Dei Freud hosd und übä genuch Grafd und an Einfollsreichdum väfüchsd.“

► Bilder

Glaus Schmoranz

Fachdrähnä (Aikido)

väddä DAN Aikido

Baujohr 1965, machd seid 2000 Aikido, schdaadlich anäkanndä Fachdrähner füä Aikido im Fachväband füä Aikido in Baiern (FAB).

"Als Drähnä möchd ich gern des nochfolgnda weidägehm:

Ich will, dass mä sich selbä meä wohrnimmd, sich eimiddn dud und die Middn in dera Beweechung haldn dud. Mid deä domid väbundäna Eindrachd vom Beweechungsfluss will ich, dass mä wieder waas wu mä is und wie mä sich fühld.

Ich möchd ned den Kambf, sondän den Ausgleich suung.

Ich möchd, dass mä beim Dräniern aufbassd und aufänandä eigehd, und ich möchd kann Leisdungsdrugg und aa ka Riwalidäd"

► Bilder

Gündä Reich

Väeinsdrähnä (Aikido)

väddä DAN Aikido

Baujohr 1949, machd seid 1999 Aikido.

„Bevoä ich Aikido gämachd hob, hob ich longa Johr annära Kambfschbordoädn gämachd. Abä bei denna annän Schbordoädn is es immä um Siech, Kambf und Schdreiderei ganga. Äschd spädä, als ich mid Aikido ogfanga hob, hob ich gämergd, dass des vo denna annärn ned guud dud. Der Laodse hod ja scho gsagd, dass deä, deä an annern besiechd, Grafd hod, abä dass deä, deä sich selbä besiechd, schdarg is. Nimm Dich also zärügg, geh deä körberlichng Ausänandäsedzung ausn Weech und gäwinn durch Ausgleich.

Genau die Einschdellung zäm Leem will ich weidägeem.".

► Bild